ANG MASKARA

sayo sa buntag ako gipaningot ug naglagot
sa tawong dili ko kasabot ug makapungot
kay wa ko magdahom sa iyang pagkabakakon,
salig kay dili masirohan, ako gisayon-sayon

ang kagubot luyo sa iyang kasadya
ang kagool luyo sa iyang pagmaya
sama sa kahugaw sa iyang kinaiya
nga gihulipan sa maanyag niyang maskara

sa tanan siya ang gikagustuhan
sa iyang ka anyag makalingi jud ang tanan
pero dunay butang nga wala ninyo mahibaw-an
mao kani ang pagkatipaka-aron ingnon sa kanahan

para nila siya matinud-anon ug buotan,
pero para nako, susmaryusip pastilan
dili ko na lang diri ipangsaysay ang tanan
basta kay nakasaksi ko sa kamatooran.

Kung kamo suod niyang higala,
igsoon, ig-agaw o kapamilya,
susiha ug pagatun-i ninyo kaning bayhana
kay murag dili na siya mabangbang ug nigrabe na.

Sa iyang kaalam, hmm nibilib ko
pero sa iyang ka maru, ako na dehado
mga butang nga dili ta makatoong mabuhat niya
pero wow, amazing! para niya pwerte rang sayona

mga abilidad nga wala sa uban
strategy niya mura'g sa taliban
suwayi ug saway kung siya imong masakpan,
diba automatic iya dayun kang talikdan.

sa tanan fishers siya ang may pinaka dugukon ug paon,
paon nga bisan kinsa pwede niyang kubiton
bisan pa ug si kinsa basta iyang magustohan
walay daghang storya tanan matilawan.

Sa ngalan pa lang daan lisod pasanginlan
nga in-ana siya ka kulbahinam
abtik ug permi jud siya ang toohan
kay lagi, sa tanan siya ang gialirungan

Sa iyang pagka maalamon ako gisayangan,
sa iyang pagka talentado, ako gi anugunan
pero sa iyang pagkasiya ug sa iyang batasan?
Inay nako, kamaayo jud niyang posposan

Sa way lipod-lipod ni sumbong ko nimo sa tanan
pero ikaw, imo ra kong gitandu-tanduan,
nagtoo man gud ko nga ikaw nahidutlan
kay mao may imong gipakita sa imong maskarang inadornohan