Ulanong kahaponon nga wala ka sa akong kiliran

Fri, 08/05/2011 - 12:39 — rastaval

Gitabunan ug bagang dag-om ang mga langit,

Ang kahayag gihulipan sa panganod nga mangitngit,

Ug hinay hinay'ng ni bundak ang makusog nga ulan,

Sa walay pupananghid nangahumod ang tanan.

Nihaguros ang mabugnawng hangin gikan sa sidlakan,

Dogdog ug kilat nga sobra mong gikahadlokan,

Nagasubo ako nagahunahuna sa imong kabutangan,

Nagabukot ka na ba usab ug habol ug nigakos ka sa imong unlan?

Ang ulan nga makusog usa ka sumbanan sa akong balatian,

Daw magahilak kung ako na ang imong matalikdan,

Nipadayag ka sa imong kalaw ug ikaw akong gitugutan,

Moadto man gud kaha ka sa ayala kay aduna kay bayaran.

Ang pagdagayday sa mga tulo sa akong luha nonot sa akong aping,

Dili ko kapugngan ang balatian ko, sa kagool ako nagpabilin,

Susama sa pagbundak sa ulan subay ni'ng balisbisan,

Tulo sa mga luha daw dili na jud mahikapugngan.

Magpaabot ako sa irc ug sugaton ko ikaw sa timbaya.

Luha ilisan ta ug hingpit nga hudyaka,

Sa imong pagbalik ako maga hinamhinam,

Kay ang kahidlaw kanimo gibati ko man.

__________________

para ni arianne and for literature

Comments