By:  Maanyag of Taipei City, Taiwan
 
Ulan, ulan, mitagak na usab ikaw,
Sayo sa kabuntagon ako imong gipukaw,
 
Mga tiil nako nga pugos mitakoko,
Sulod sa mangitngit nga habol mitago.
 
Pilik palak, pilk palak,
Nagpadayon ang imong pagtagak,
 
Daw mga iring og iro nga nagbugno,
Kisami nako namura na'g mahugno.
 
Ubanan pa sa kusog nga mabugnawng hangin,
Nga pugos mihalok ning akong mga aping,
 
Hahay! Pagkatugnaw naman lang sa panahon,
Lami gayud kaayong dili ibangon!