Gitikasan

Pulong Bisaya's picture

Nagtuo ko,
na ikaw nahigugma sa akoa,
Gisunod ko,
tanang gipangtugon mo sa akoa,
Nabuta ko,
sa kaanyag mo na murag dyosa,
Gisamba ko,
na ikaw ang gituohan kong Rayna.

Kalit lang ako ning pilit,
Sa akong nakita,
Na ikaw! sa laing laki nagpakitkit,
Mura kog mahagba,
Nagbatyagan sa dughan ko ang kasakit,

Gitikasan mo lang, ang kasing-kasing ko.
Gitikasan mo lang, ang pagsalig ko.

Unsa man akong sala?
Nganong imong gitikasan?
Kulang paba akong gugma?
Maong sa uban, imong gipapun-an?