Sa dihang ikaw akong nakita

Gibati ko dayon ang tumang kaibog

Nadani gayud ako sa kaanyag mo ug katahom

Nga maoy nisugat kanako sayo sa kabuntagon

Ang porma mo ug pamayhon

Ang kagwapa mong talagsaon

Dli kalikayan nga ikaw akong handumon

Hilabi na panahon sa mabugnawng kagabhion

Daw sama ka sa bulak sa daruhan

Nga sa pinong tayhop sa hangin nagduyan-duyan

Ug sama usab ako sa gi-uhaw nga buyog

Nga diha nimo buot untang moduyog

Apan sama ka man usab diay sa usa ka bangaw

Nga mawagtang ra usab human mopatim-aw

Kay sa kalit lang ikaw nawala, nahanaw

Ay pagka-amaw, wa pa man diay ko kapamahaw.