AKONG HAMILI

Genamos_US's picture

AKONG HAMILI 
By Genamos_US of Washington, D.C., USA

O bililhon kung gugma na gipanday gikan sa atong Ginoo
Kanimo Inday, ang kalibutan nagatuyok dinha lang kanimo
Gitudloan mo ang akong kalibutan kon unsaon sa pagpakabuhi
Na ikaw lang ang matood nagmahal kanako sa langit ako gipili 

Sa matag kalipay ug kasakit anaa ka sa akong mga kiliran
Ning dughan ko mapasalamaton kanimo sa gugmang hilabihan
Gibalikbalik ko sa paglitok ang mga pulong sa gugma aron ikaw motoo
Kon usahay masobrahan man gani O akong Pinangga mangayo ako'g pasaylo

O Ginoo sa langit, salamat sa grasyang imong gipaambit
Sa gugma mo ang kinabuhi ko napuno sa kadasig sa kalit
Imong gipadala kanako ang nag-inusarang kalipay na dili mapalit
Kaniya, siya ang akong bahandi sa akong kinabuhi gipadala sa langit

Pinili, saligi kining atong gugma na walay pagkapalong
Sa matag adlawng molabay walay pagsulay ang mopasilong
Pagasaw-an ta ang dakong himaya sa kalipay na walay paglubad 
Aron mahalon ta ang matag gutlo ning kinabuhi na walay labad 

Akong gipahinungod kining sinulat kung balak dinha lang kanimo
Sa matag adlaw giampo ko na lugwayan ang atong kinabuhi sa Ginoo
Aron ipadayon ko pagasilbihan ka puno sa katagbawan ang kinabuhi
Ug sa akong pagpanaw ibalon ko ang tam-is tang sugilanon sa gugma, akong hamili