Didto Sa Baylehan

Genamos_US's picture

Didto Sa Baylehan 
By Genamos_US of Washington, D.C., USA

Nasalaag ako sa dakong sayaw
Naglam-om wala ka pa makalakaw
Nangita sa dakong kahigayonan 
Maisayaw ka sa ibabaw ning kalibutan

Apan adunay pa ako'y laing tuyo
Ning dughan ko naglibog sa kadako
Gipangita ko ikaw ning kagabhion 
Aron ipabati ning dughan maulawon

Apan napakyas ang akong mga mata
Wala ko ikaw igkita kon asa man ka
Nasagmoyo uban ang bulak kung gidala
Napalaw sa akong tinguha na wala ka

Kaanindot unta kon ikaw akong naistorya
Aron matubag nimo ang akong mga pangutana 
Ipabati ko unta ang gugma kung ihalad
Nanghinaot imong dawaton akong ipanaad

Sa akong hunahuna ang dughan ta nagkahiusa
Apan gusto ko maklaro kon anaa ba koy pag-asa
Kay ang gugma ko kanimo dili kini dula-dula
Matinod-anon kanimo aron ikaw dili madismaya

Apan nilabay nalang ang mga gutlo sa kagabhion
Na wala'y usa ka anino kanimo ang nagpaingon 
Tuhoan ko nalang na aduna'y laing plano ang kapalaran
Magpadayon ang kinabuhi uban ang gugma kung gitapigan