Para sa Hinigugma

Sa bago pata nagkaila tanan imong gihatag sa akoa. Kalipay nga walay sama. Kasakit nga wala jud nimo gipabati. Sa pirmi nato pagkuyog nakaingon ko sa akong kaugalingon nga ikaw na ang para sa akoa. Tanan akong gibuhat para malipay ka lamang. Gugma akong gihatag labaw pa sa akong kaugalingon ug ginikanan. Gugmang walay paglubad. Nagtuo ko sa pagplano nato mosulod sa kaminyoon walay mausab. Gihatagan tika ug anak. Ang pagbati diha kanimo wala mausab. Bago pata gikasal pwerte nakong lipaya tungod wala nay makapugong sa atong paghigugma. Pero ang tanan diay adunay balos. Sukad nagminyo ta ang sauna nga kasakit nga wala nimo gipabati sa akoa karon pirmi nang mabati. Akong dughan maghilak sa kasakit. Kapila naka nangayo ug pasaylo ako pud pirmi mopasaylo kay nagtuo ako nga magusab ka. Apan kutob ra sturya ang tanan. Ang sauna nga puno ug kalipay karon puro pagmahay. Wala nako kabalo hinigugma ko kung karon motuo pako sa mga sturya nimo. Pasayloa ako kung dili na nako mahatag kanimo akong pagsalig. Pagsalig nga imo ra giguba para sa kalipay nga imong cge ug gipangita nga wala kanako. Naguba akng kalibutan sa pagbuhat nino niini. Nawagtangan ug kolor akong kalibutan tungod niini. Magtanaw ko sa atong anak grabe kasakit sa akong dughan. Dili ko gusto magdako siya makakita kung unsa ko nimo pasakitan. Hinaot unta akong hinigugma mabati nimo ang kasakit nga akong gibati karon. Makadesisyon kana unta sa pagbiya niana para malipayon ta ug usab. Usahay makahuna2x ako kung asa ko bahina nagkuwang. Tanan2x man unta akong gihatag kanimo. Siguro dili kana malipayon kanako. Pasabta lang ko hinigugma ko para dili na magdugay ang kasakit na akong gibati. Sa katapusan pahibawon tika kung unsa tika gihigugma. Hinaot mabalik ang sauna sa dili pa ulahi ang tanan.