Ang Taliabot Nga Bagyo
By Genamos_US of Washington DC, USA

Ang hangin inanay sa pagkakusog
Ang kangitngit nitabon pagkabusog
Mga itum nga panganod gianod-anod
Sa kapunawpunawan ang unos misulod

Dili halayo ang mga lawod nagbuwabuwa
Ang kakusog sa mga balod gipanghagwa
Talan-awon nga dili kakumpyansahan
Mga sakyanan sa dagat pagapugngan

Mga pat-ak pat-ak nga mga ulan giduyogan
Sa hangin nga usahay molabyog kasagaran
Mga nagpuyo sa daplin sa kabaybayonan
Mamakwit padulong ngadto sa eskuwelahan

Kanunayng maminaw sa radyo inanonsiyo
Kay ang lokal nga goberno kini ibandilyo
Aron ang katawhan mahalikay sa peligro
Kay ang kinabuhi gihagwa kini ipaseguro

Ang panahon dili man gayud mapugngan
Kung kini manghagis nga kita pakuratan
Mga palibot nga ang tawo ang nagdagmal

Ikaw Ug Ako
By Genamos_US of Washington DC, USA

Ang una kung pagkakita sa imong nawong
Gibati ko ang adlaw misubang misulong
Ang buwan ug bituon maoy imong gigasa
Nga ang gugma kung gibati adunay pag-asa

Ang nagdag-um nga kalangitanan naghulat
Didto sa sook ang kagul-anan ako gihudlat
Ang una kung tam-is nga halok kanimo
Ang kangitngit nangapanas daw gipasaylo

Ang kasingkasing ko nga nag-ambahan
Sa gugma nga migawas ang kadaugan
Gibati ko ang nagpanikad nga dughan
Ang misiaw nga gugmang pagasawhan

Mikuray ang duha ta kakasingkasing
Daw langgam nga nabihag nawahing
Sa mando sa gugma nga ipadayon
Kining talagsaon nga mga higayon

Ang una kung pagtugyan sa akong gakos
Walay pagduhaduha kanimo akong gibalikos
Aron habulan ko ang imong mga pagduda

Mahimo Ba

Mahimo ba nga mupabuhagay ako sa akong pagbati?

Nga dia sa akong panumduman nagpahipi

Ang Hangyo Sa Usa Ka Kasingkasing
By Genamos_US of Washington DC, USA

Ubani ako sa hangtud sa kahangturan
Sa kinabuhi nga atong pagasawhan
Tuhoi ako ug ikaw makasalig kanako
Ang gugma ta sa langit gisandig ko

Pangayoon ko ang tubag mo
Nga dugay ko nang gipaabot ko
Ang gugmang tam-is nga midako
Pagbati nga masabtan nimo ako

Ayaw ako pakyasa sa akong gitinguha
Kasingkasing ko nahadlok ikaw mawala
Walay makapanag-iya kanimo kon di ako
Kay ikaw gihatag sa langit dinhi kanako

Ang usa ka gugma susama usa ka simponiya
Nga may hingpit ug nindot nga harmoniya
Kon ang managhigugmaay sila magkahiusa
Sa kalipay ug kasakit sa kinabuhi mihulma

Hamili, bugtawon ta ang atong mga damgo
Sa atong kinabuhi nga dugay ta nang giplano
Ayaw kahadlok sa pakigharong sa mga kalisod

kita tanan ang mapalgan sa kasakit diri sa kalibutan. ilabi na sa atong pamilya nga maoy pagka walay klaro. puro gubot ang among pamati sa matag-usa tungod kulang sa pagka sinabtanay. hinuon dili ko man maako ang pag rebelde sa akong kaugalingon tungod kanila busa ge mahal nako sila tanan.. Usa ra ko ka anak ang napalgan sa sintomas nga wala nko nabati sa akong kalawasan dili pud hinuon siya usa ka sakit kun dili sakit sa ulo nga pemente nko mahuna-hunaan ang kagubot sa akong pamilya. Ako pud usa ka anak nga maka hibalo ug paglantaw sa sitwasyon tungod naa koy gusto nga maayong pamaagi busa naghinaut ko nila nga bisag sabton lang nila ang unsa jud ang maayong sulbaranan para malinawon.. Ang among padre de pamilya usa lamang ka driver sikad naningkamot aron kami makakaon tanan ug naga pasalamat kami kaniya nga wala kami pasagde pero naa pay kulang ang among gipangita ang usa lang ka "HANGYO" kaniya  busa kami tanan dili magka sinabtanay tungod lang niya.

Sa Gugma Naulipon
By Genamos_US of Washington DC, USA

Ang mga bituon gipangsab-it
Ngadto sa langit nga gipapilit
Kahayag sa amarilyong buwan
Nag-utaw-utaw sa kawanangan

Duha ka hinigugma naglingkod
Mga kasingkasing nga gianod
Nag-atubang sa buwan nagkatawa
Mga pagbati nga dili maagwanta

Ang mga anghel sa langit nanag-awit
Sa mga huni sa gugmang sila naghubit
Malipayon nga nagsinabtanay
Sa mga sugilanong lumalabay

Ang mga bituon ug ang buwan
Saksi sa gugmang gipanumpaan
Sa naghigugmaay nga nilalang
Pagbati nga wala makawang

Mga ngabil nga nanag-abot
Sa tam-is nga halok nisimhot
Gihangop sa nabukas nga langit
Ang basbas sa kahitas-an gidalit

Matag gutlo kanila way katapusan
Ang kalipay ug himaya nga miuban
Ang siaw nga tun-og sa kagabahion

Ang Anino Sa Imong Pahiyum
By Genamos_US of Washington DC, USA

Mihabol kanako ang kilumkilum
Mipahulay ang adlaw nga misalum
Ang anino sa imong mga pahiyum
Misugat ang kagabhion nga dulom

Sa takna sa imong pagbiya kanako
Mga damgo ta nahanaw nagbakho
Nanghinaot nga dili kini magdugay
Ang kahapdos naagian ko molabay

Pintali kining mga damgong nauknol
Sa kahayag sa gugma mong gidunol
Kaniadto ang tuig ta way naghasol
Nagkahiusa sa gugma nga mitihol

Mabasa nimo sa akong mga mata
Ang matuod nga gugma giharana
Nga Ikaw ang akong gipakarayna
Sa gitukod nga kaharian gitagana

Ang nagsubo nga bituon sa langit
Mitago sa pangunod nagpangitngit
Mihilak nga nagbakho pagkadako
Nga inanay midag-um nagkatakdo

Mihalok ang natagak nga mga luha

Mga Binati kong Bisaya,

Dako nako pasalamat sukad ko nakita ang Binisaya.com. Ug karon miyembro nako. Dali ra nako mapadayag ako mga gibati sa tukma ug lawom nga pagpitik sa akong dughan. Sama sa bulak ka piuros nga mibuklad ning panahon.

Sa dili ko pa sugdan pagtikad sa mga pinolongang bisaya, ako magpaila nga gikan ko sa salopang bahin sa islang Mindanaw (Zanorte). Ug karon anaa na naningpalad sa sidlakang bahin sa Africa para sa kaugmaon sa akong pamilya. 

Hinaot ko sa tanan nga miduaw ani nga komunikasyon nga makakat-on dili lang sa pinolongan kung dili usab sa pag-ila.ila sa kultura, torismo ug mga higala diin makita sa uban nga lahi nga ang mga bisaya "gamay sumpok, mubo apan gahi, matinahuron ug mulahotay unsa pa ang unos sa kinabuhi.

Ang bag-o nga miyembro,

Aurelio

Ang Milabayng Panahon
By Genamos_US of Washington DC, USA

Nahinumdom ako sa kaniadto
Naghunahuna dinha kanimo
Mga adlaw nilabay nagasto
Lisod mawala ang imahe mo

Nitambo ako sa gawas sa hardin
Ang gitanum mong bulak nagpabilin
Pagkaanindot nga lantawon
Handurawan mong talagsaon

Nibalik ako sa pagsulod
Kay ang adlaw nangluod
Daw ang langit nga nagbakho
Ang uwan nibundak pagkadako

Nagtan-aw ako sa atong kuwarto
Mga larawan mo anaa gihapon didto
Mga pahiyom mo nga matam-is
Sa kasingkasing ko dili mahilis

Haw-ang ang lingkuranan sa sook
Gipadaplin nga gibiyaan naghagok
Ang kamingaw ko nisamot midako
Sa langit gitugyan ko ang pag-ampo

Ang gugma ko kanimo dili mailisan
Balik nga dinhi sa akong kiliran
Tuhoi ako pinangga, ikaw makalaum

Ug ako miuli na sa hingpit

Dinhi sa yuta kong natawhan

Gumikan kay ang huyohoy misampit

Nga kining dapit akong alagaran