Sukad ko Angkay, tikaw makita

Mitulo dayon king mga luha

Nawad-an sa gana sa pagkaon, Angakay

Ang kasingkasing ko sa kasakit, nagsusapinday.

Kalooy baya niining kahimtang

Nalumsan gayud sa kagul-anan

Kay di man ugod ikaw mamate, Angkay

Ang imong dughan dile hidutlan niining pagbate.

Kon dile mo ako, Angkay kaloy-on

Mangandoy sa kamatayon, Angkay kon di mo sugton

Mag-unsa man kining dughan ko wa mahigugma

Hala hala na intawon, Dile dile gyud mahimo

Palitan tikawg unya bakya, Dile ba kaha unya sagpa

Wad-a ang katahap, O hinalaran

Isaad ko nga unongan tikaw sa lubnganan

Tinood kining akong paghigugma

Tinood tawon matay pa, Aniang dughan dunggaba

Kon dile ko nimo dawaton

Paligis na lang ko sa karomata.

May Sundang kong taas

Tupong sa akong lawas

Wala pa gani nako ika tigbas

May dugo na nga miaagas

Gikan ko sa among Barrio

Gaulan, gahangin ug nagabagyo

Ang sapa nag ulbo-ulbo

Apan gilabang ko tungod kanimo

Banana is Sweet

Ampalaya is Mapait

Apan ang Gugma sa Classmate

Pinaagi sa kuhit-kuhit

Kon ug galing kuhaon nako sa Ginoo

Pwede bang mohangyo kanimo

Anha ko ilubong sa imong batiis

Aron karon ug unya madimdim ko ang imong katam-is

bag-o ra kong nabiyaan sa among amahan kay tungod nikuyog na siya sa atong minahal nga Amahang langit-non. Daghan kaayog tuo tuo ang mga bisaya nga kuno inig human sa kwarenta ka diyas, mubiya na iyang langyaw nga espiritu dinhi sa yuta kay musaka na siya sa langit. mag 40 diyas na siya karong Huybis. Ang akong gikasubo kay ingon sad sila nga kung naa na kuno sa langit kay dili na ta mag ila tanan parehas sa atong pag ila diri sa yuta. tinood ba kaha na no? dili ko ganahan nga kalimtan ko sa akong amahan inig ka hilangit niya. gusto ko bisan naa na siya didto, mahalon gihapon ko niya parehas sa iyang pag mahal nako adtong buhi pa siya diri sa yuta.

Ping-ot.

Bul-og ning mga luhang

midagayday sa subang uhaw

sa imong gugma ug kalooy.

Gi bangil ko ang bato sa kasilag

aron pagpugong sa pagkabanlas

ning pobreng payag sa akong dughan.

Nagtampisaw k'ing kasingkasing

sa maitom nga tubig sa akong kagu-ol.

Nag-inusa rang nagpaanod sa sulug

sa pinasagdang pagbati nga walay paglaom.

Apan unsay akong mahimo?

Kung dili suklian ug kalagot ang kabugnaw sa imong pagtagad.

Bukalon k'ing dugo, hubson k'ing luha sa mga mata.

Ihangad sa langit aron dili na mutulo pa.

Putlun ning pagtoo nga sa kanimo may mapa-abot pa.

Ginhawa.

-eden

Paborito nga Sud-an (aka Answer in Any Order)

-eden mamac

Dili ko ug talong nga gahi-on dili pud ko sa humokon

Dili ko sa gabing katol-katol unya dangog-dangog paakon

Samot nang dili ko sa okrang hait-hait, panit nga balhiboon

Akong gusto kanang U nga balanse perpekto ang kumbinasyon

Dili ko sa bu-ak nga kalabasang pula-pula dili pud ko ug lusparon

Dili ko ganahan muhigop sige sa sabaw sa batong nga langtohon

Dili gyud mutolo akong laway bisan pag pinikas nga subak apilon

Akong kinaham kanang UT nga sakto ug lamian, puno sa nutrisyon

Dili ko madani sa pagilok sa tutunlan sa gagmiting nga mga dahon

Mudigwa usab ako kung tibok-on sa paglunod ug dili hagpaton

Kinahanglan usab nga igo-igo ang kainiton usa nako ingkiton

 Usa ka tuig kapin natong panag-uban

 sadya ug masulob-on nga kahigayonan

 adunay mga panahon kita mag-away

 apan 'duna 'sab kadtong kita nagmalipay

 Sa tanan kong mga salaod pasayloa ako

 kadtong mga kalapasan gimahayan ko 

 ug ang mga kasakit kong nabuhat nimo

 hikalimti ug papasa na sa dughan mo

 Daghang salamat sa imong mga kahago

 mga panahon mong gihatag kanako

 dili mahimong ikabaylo og salapi

 mga handomanan mong gibilin linahi

 Kay gikan kanimo daghan kog nakat-onan

 ikaw taw nga mahigugmaon ug buotan

 labaw sa tanan imo akong gipakita

 kon unsa nga matang ikaw magpangga

 Busa karon ayaw naintawn kaguol

 kay ania ra man gihapon 'ko sa duol

Ang Umaabot dili nato kini matagna apan ato king mabana-bana.

Dinhi niining kalibutan kansang mga kinabuhi  nilambu ug namugna.

Kining tanan nahimo pina-agi sa halapad nga pagbana-bana sa atong takna.
Ang nagtuliyok natong kinabuhi nag-agad kini sa atong tagsa-tagsa ka huna-huna.
Inig tikyop sa kangit-ngit ato dayong mabana-bana ang umaabot nga ugma.
Ug inig abot sa takna ato kining hangopon sa walay pagduha-duha ang maong ugma.
Kay kita gi-umol sa takna sa pagmaya.

Ang Birhen Nga Isla
By Genamos_US of Washington DC, USA

Linaw kaayo ang kabaybayonan
Ang tubig daw hubog sa hunasan
Ang hangin lab-as nagpaso-paso
Ang maong isla daw usa ka paraiso

Si Dodong naglingkod nag-inusara
Nag-atubang sa dagat nagmaskara
Ang iyang pahiyum maoy gitagana
Sa kaanindot sa palibot pagkahalina

Ibabaw sa nag-umbaw nga bato
Gihuhuna ang kanhing kaniadto
Sa mga panghupaw ako gihaylo
Ang kalinaw nga dili buot ibaylo

Sa kaanyag ug matahum nga dapit
Mga suliran nangapanas sa daklit
Gialirongan sa mga lunhawng tanom
Palibot gihabolan sa dakong kahilom

Tin-aw ang tubig gianod sa baybayon
Mga gagmayng isda imong lantawon
Gawasnon nagdakop dakop sa daplin
Ang gugma ko niining isla magpabilin

Pagkaanidot sa kinabuhi niining paraiso

Langit Ug Yuta
By Genamos_US of Washington DC, USA

Kadaghanan Kanila nagkanayon
Nga ang gugma buta pagasabton
Gipamatud-an ko sa usa ka higayon
Nakalimtan ko ang garbo sa sayon

Ayaw gayud kini ikahibulong
Nga ang kaluoy ang misulbong
Nanimbasog nga magpahilayo
Sa gugma nga ako nabilanggo

Gusto ko man ikaw nga hikalimtan
kay magkalahi ang atong kalibutan
Langit ug yuta ang atong kahimtang
Ang pagbati ko nga wala makawang

Matud pa sa uban nga kining tanan
Usa lamang ka damgo nga gituohoan
Gipangandoy ko nga ikaw maangkon
Ang dughan mo buot kung tugkaron

Bisag hungog ang pagtuo nila kanako
Nga lisod kabuoton ang langit na layo
Gipaabot sa kabus nga yuta ang langit
Nga modung-aw ug mohalok sa hingpit

Dili bahandi ang akong giapas kanimo