"Abi nimo day, si Guntoy usa ka ambongan, mahigalaon, maalagaon ug kanunay siya magpakaban sa iyang isig ka ingon.
Laraw nako siyang panalagahan. Kon tugotan ko sa iyang ginikanan."

Dihang nakaangay man upod kaniya si Kasadya ang igsoon ni Abyang.

"Akoa da na si Guntoy, unhan ko siya pagdapit. Mangadto kami sa sine ug adto nako ipahungaw nga way paglurang akoang bug-os nga balati-an ngadto kaniya.

Madagwayon unta si Guntoy apan huyang iyang kinaiya nan wala siya makabalibad bisan supak tuod sa iyang kabubut-on nga makighugoy uban kang Kasadya."

Midangat sila ngadto sa sinehan diin sila misulod sa ngingit ug mingaw nga palko.. nabati ni Guntoy ang pagkulo sa iyang palibot, nabati niya ang paghugot sa kupot ni Kasadya, wa madugay midagaday ang singot sa iyang kalawasan.. "gisampit ko kamo mga kalangitan...palingkawasa intawon ko aning bayhana. Sakmiton sa yawa akong kinatawo..!!" Miampo siya sa iyang salabotan..

"Wala nay dag-anan imong mga pagngadye dong... ako pa nimo motahan ka na lang kanako." Nahiulpot iyang kalag sa kalisang, napugway siya dihang natuhog sa unglo ang iyang hunahuna.

Giluno sa babaye ang iyang panabot... ug nakit-an ni Guntoy iyang mangil-ad nga panagway nga gidayandayanan og mga himbis.

Ug kalit siyang gitukmod ngadto sa bintang (bangko) diin mipilit siyang likod misuway siya og lugnot apan dali rang mihawoy iyahang kaugatan

Mikunsad kaniya si Kasadya... nga halos wala na niya mailhi ang nawong kay tungod nahulipan na og mga bangkil iyang ngipon samtang adunay talinis nga tumoy miturok gikan sa iyang suwang.

mitumaw ang usa ka taas nga gaway gikan sa lungag sa iyang bulugan... dili siya tino kon gaway ba kadto kun ikog

Dihadiha kining mingbuyang-ang ug gitukob niini iyang kinatawo...puno og kahingutas iyang siyaok apan walay nakadungog sa maagomon niyang kuliik.... nagkainanay og kahanaw iyahang panimuot nunot sa iyang kinabuhi..

KATAPOSAN.