Hilabihang kagul-anan ang misugat sa akoa
Nahanaw na ang akong pinilangga
Ang akong maduolan kung aduna akoy problema
Ang mouban sa akoa sa bisan asa

Sauna himsog pa siya
Apan kalit miniwang na
Ambot, tungod ba sa utang nga pirting daghana
O di ba kaha tungod kay wala na siya pakan-a

Apan uwahi na
Natapos na
Di na mabalik ang sauna
Apan di ko gihapon madawat ning panghitaboa…

Mitulo nalang ang akong luha
Sa pagkakita ko sa iyaha
Wala nay ginhawa
Daw dahon, nadugta na

Gisulayan ko siya sa pag-uyog
Namasin nga siya mo tingog
Ug akong luha padayong nagwalog
Kinabuhi ko nahugno daw gilinog

Sa kahugot ako kining gigakos
Namasin pag usab nga mabalik ang iyang katakos
Apan daw salida siya natapos
Ug sa kalit siya gihipos

Pagbalsamar siya gi ablihan
Ug ilang nakit-an
Ang PITAKA kong’ gipanamastamasan
Daw kalansay, wala nay kauonoran!

Pitaka kong’ wala nay sulod
Pitaka kong’ nangluod
Sa mga bayranan ako gabaguod
Pagpakabuhi na intawn, para mabayran nag sugod.

Tabang
Mananabang
Nabulit na ako sa utang
Bisan man lang sa “Gamayng Hinabang”