Pit Senyor Santo Niño

Genamos_US's picture

Pit Senyor Santo Niño
By Genamos_US of Washington DC, USA

Mga katawhan dili mabangbang
Mga debotos sa dalan nag-atang
Matag Enero ang sugbo masadya
Ang piyesta sa Santo Nino makita

Sa akong nahinumduman kaniadto
Matag Sinulog ang ulan magpasigarbo
Ang parada plubyal iatol og Sabado
Unya ang mardigras inig Dominggo

Madaghang mga ritwal gipasundayag
Mga Katoliko nag-ampo og kahayag
Timaan sa ilang debosyon sa Anak
Ang uban nag-ampo nga naghilak

Nagpasalamat sa grasyang nadawat
Ang kinabuhi natilawan ang gipahat
Dili kalimtan ang tinood na kasaulogan
Nga alang sa Santo Niño kining tanan

Dili sulagma nga nahimo kitang kristiyano
Gumikan sa balaang Imahe kita nakagusto
Apan pagbuot kini sa kahitas-an ang tanan
Nga ang Pilipinas gipiling dapit nga bulahan

Dili kini pagano nga kulturang gisaulog
Kon dili pagtimaan sa kalipay kita midaug
Kalipay nga nagdala og gugma ug gahum
Nga naghatag kanato og kadasig ug paglaum

Pit Senyor Santo Niño hatagi kami og kalinaw
Ug panalipdi kami sa mga dautan nagpaminaw
Ipahilayo kami sa mga katalagman ug pagsulay
Kay Ikaw ray makaluwas ug makahata’g kalipay

 

Comments

Genamos_US's picture

Daghang Salamat Bombo Glenn

Maayo unta imong sampolan dinha og kanta, unya adunay adlib panagsa uban sa pagTAMBOL..!!!! e-post unya dinhi undong!! Daghang salamat kanimo sa pagsunod.