Ang Manggang Hilaw

Genamos_US's picture

Ang Manggang Hilaw
By Genamos_US of Washington DC, USA

Pagkalami gayud ikaon og mangga
Labi nga gayud kon hinog kini sila
Ipares sa init nga puto ug sikwate
Pagkaon kuno ni sa mga pobre

Daghan ta’g mapilian sa klase sa mangga
May karabaw, piko, indian ug uban pa
Kinaham sa mga nagsabak ug dalaga
Kay aslum kini kon ang bunga birde pa

Dinhi lang sa Pilipinas makita ug matilawan
Ang pinakatam-is na mangga sa tibook kalibutan
Kay tungod sa init na klima ug ang yuta tambok
Ang makatilaw magpangita sa manggang bus-ok

Dinhi sa gawas nasod kung gipuy-an
Aduna say mga mangga nga kapilian
Apan dili kini susama sa atong mangga
Ang pinakalami sa tanan na walay sama

Gihandom ko ang kaniadtong panahon
Sa nadak-an kung dapit ako madasigon
Ang punoan sa mangga kami mopasilong
Malipayon nagduladula ug maglambiyong

Kun aduna gani kini bunga among pagakatkaton
Labi na ang tag-iya nakatulog among lipaton
Makakubit sa lamiang mangga among lanlanon
Isawsaw sa asukar o hipon lupigan gayud ang litson

Giduwaduwaan ko nalang ang akong hunahuna
Ang mangga gipangandoy ug wala ako mangala
Porbida nagtubod nga gayud ni akong mga laway
Labi na ang manggang hilaw nga akong kalipay

Comments

Genamos_US's picture

daghang salamat sa imong pagsunod

daghang salamat sa imong pagsunod sa lawak ug mahiligon magbasa og mga binisayang balak.Ayaw gayud katagam sa pagbalikbalik suroysuroy ning dapita kay dinhi nato makaplagan ang birtud sa atong kagikan nga mga bisaya tiunay.