Sayaw Na Gangnam Style

Genamos_US's picture

Sayaw Na Gangnam Style
By Genamos_US of Washington DC, USA

Nagkatawa ako nagtan-aw sa bidyo
Sa usa kasikat nga rapper na asyano
Ang iyang kanta nga simpli ra kaayo
Apan daghan gayud ang nakagusto

Gihingalan nila ang sikat na sayaw
Gangnam Style nga daghan nalingaw
Makawala sa mga kalaay ug kamingaw
Mag-iniktin sama sa kabayo nga naglakaw

Bisag ang kanta dili ko gayud masabtan
Apan makadasig ang tonada na hilabihan
Akong gisulayan ang pagsayaw ganiha
Sa sinugdanan ang estiping pagkalisora

Apan sa tanto nakong diniyos nga praktis
Bisag ang mga tiil nagkasapid nag-ikis-ikis
Kalingawan nga nagdala og benipisyo
Kay ang sayaw matawag og ehersisyo

Adunay mga estiping nga murag naglatigo
Mag-ambak-ambak murag kabayo nagdamgo
Nagtingsi gasayaw uban ang kanta mga amigo
Gitun-an pag-ayo ang sayaw aron maperpekto

Sulayi usab ninyo ang sayaw na uso karon
Way ginipig bisag unsa pay atong pangidaron
Bahalag ang mga singot nga magtabisay
Bisan ang mga bukton ug batiis manglaylay

Ang kakapoy dili nalang hunahunaon
Kay makapalagsik sa lawas kung tukion
Bahalag ang mga ilong manglisngag
Bisan pa ang mga buhok mangalkag

Magpadayon kita sa pagsayaw
Wagtangon ang mga kaulaw
Kay ang Gangnam Style makauhaw
Sa sonata nga kanako makatagbaw

Comments

Genamos_US's picture

Daghang salamat!

Hehehe Inday Maanyag, ayaw nalang paapila ang nagsabak inday kay basin mabughat. Lisod na intawon na maapektohan ang iyang gidala Basin intawon simbako mataktak..hehehe..ayaw nalang intawon..pahulata nalang siya human panganak aron siya mosayaw og ala Gangnam Style aron mangahilis kadtong mga stretch mark inday..ug mga bilbil..hehehe. Daghang salamat kanimo dinha sa pagsunod..