Ang Drayber Ug Ang Tulo Ka Pasahero
By Genamos_US of Washington DC, USA

Misayo ang drayber sa pamasahero
Aron sab siya makagarahe og sayo
Sama sa iyang naandan nga rota
Misubay sa dalan Fuente Osmena

Nag-apas siya sa mga sumasakay
Aron makadaginot bisag ginagmay
Nagkalainlain lang ang pasahero misakay
Kay motambong ug uban mopauli sa ilang balay

Adunay tulo ka mga pasahero ang misakay
Naagian sa buotan nga drayber nga nagbaklay
Ang estudyanteng nars, si Pidro ug Juan
Nagdali silang tanan aron dili mauwanan

Niuna’g pliti ang estudyanteng nars sa drayber
Aron ang 50 pisos masinsiyoan nga siya nakadesider
Nitingog ang buotan nga drayber kung pila ang kuhaon
Mitubag ang estudyante nga usa ra ang kuwentahon

Matud niya gikan siya sa Cebu Doctors nga bag-ong misakay

Ang Maestra Ug Si Juan
By Genamos_US of Washington DC, USA

Ang maestra ug si Juan konraryo
Kay si Juan nga guwatsinanggo
Kung sa attendance siya absengiro
Labaw nga sa leksyon permi na zero

Sa kapongot sa maestra iyang gipangutana
Ang estudyante nga perting pagkasipata
Kun kinsa ang nasodnong bayani
Nga daghan mga babaye nga nadani

Gitubag ni Juan nga abtik
Si Dr. Jose Rizal ang milabtik
Nakuratan ang maestra sa insaktong tubag
Kay natsambahan kuno ni Juan nga pangag

Gipangutana usab ni Juan ang maestra
Kun nakaila ba siya niining bayhana
Si Sonya kuno ang ngalan niya
Mikatawa si Juan sa maong gipangutana

Nahilaw ang Maestra sa tingsi ni Juan
Daw ang nawong seryoso adunay gitaguan
Gitubag ni Juan kon nganong wala siya mahibalo

Tayada....

by:taratitat

Sa akong paginusara....niining kinabuhia

Walay laing damgo ikaw makita ko

Sa hunahuna ikaw pirmi ang tinguha

Sa kasingkasing maoy  gibuto-buto

Ngano man natabo ning tanan?

Sa duha ka gugma nga gipanamastamasan

Sa mga higayon, gidulaan

Kining akong nasamputan sa tayada na lamang iagi ang tanan

Lisod ning kinabuhi

Kung higayon na ang magdumili

Sa gugma nga akong nahimutangan

Diyos laman ang nasayod niing tanan

 Ang kinabuhi misteryo,lisod tugkaron kung ato hunahunaon. Kinsa man ang nasayod sa mga matabo sa umalabot,kining tanan matuman Diyos lang ang nasayod. Lisod palandungon nga kita lumalabay,kita hinulaman, kita abog,maong wla gayud kitay rason manghinambog niining nakabot.Ang bulahan sa kinabuhi usahay mapahitason, sa mga butang nga ilang naangkon,kalooy sila palandugon, nga sa ilang bahandi sila magpaulipon. Mata ug bangon sa kamatuoran, datu og pobre usa ray gitindugan, sa mata sa atong Amahan kita pareho laman... makasasala nga iyang gipakamatyan...

Maanindot Nga Adlaw
By Genamos_US of Washington DC, USA

Pagkaanindot sa panahon karong adlawa
Mga nilabayng semana among giagwanta
Ang matag hinoyohoy sa kainit pagkasakita
Apan karong adlawa gibawi pagkanindota

Ang langit gipulbosan sa mga puting panganod
Ang kawanangan hilom gisapnay nag-aginod
Ang kahilom milanog sa matag kakahuyan
Mga kalanggaman namahuway na nagduyan

Adunay higayon ang bidlisiw sa adlaw mosiaw
Matag takna sa orasan molabay ug molakaw
Ang kainit sa adlaw daw murag halok mitugdon
Sa akong panit ug nawong nindot tagamtamon

Ang kapehon nga yuta nga nabasa sa uwan
Kagabii ang uwan miduaw nasuko gitandayan
Ang mga balili sa miaging adlaw mga lunhaw
Karon kay nangalaya ug ang uban mipanaw

Pagkalinaw hunahunaon ang kamingaw gitulon
Walay kisaw ug ang tingog naamang gipadayon

Ako si Elder John Anthony V. Balili.. Ako usa ka misyonero sa simbahan ni Jesukristo sa mga Santos sa mga ulahing Adlaw. Ania ko karon gitawag nga muserbisyo sa Kauswagan ward, dakbayan sa Cagayan de Oro. Ako gikasaligan nga mahimong Tig-tala sa Misyon diri sa Philppines Cagayan de Oro Mission. Abril 13, 2011 ko opisyal nga nagsugod sa akong trabaho isip usa ka tig-tala. Misugod ko sa akong pagmisyon sa unang adlaw sa Enero, tuig duha ka libo ug napulog usa. Ania nako karon sa akong ika-pitong buwan sa pagserbisyo sa atong Ginoo. Ako padayon nga nagpangita ug mga kalag para madala nako sa iyang panon. :)

Adlawng Natawhan Sa Akong Higala
By Genamos_US of Washington DC, USA

Atong sugaton karon ang malipayong adlaw
Sa mga masadyaong huni ug kita mosayaw
Ang langit nakamata sa iyang pagtagpilaw
Kay ang haring adlaw misiaw ug misayaw

Ipangsul-ob ang mga sapatos nga pangsayaw
Aron ang kasadya atong sawhan dili mahanaw
Mga muwebles ug uban pa nga atong ipangdaplin
Aron mahawanan ang salog nga giandam gipakapin

Mga katawa, kanta ug hugyaw atong andamon
Mga lamian nga sud-an giandam sa panihapon
Inubanan sa mga sumsuman ug bugnawng ilimnon
Kay karon ang adlaw nga angay nga pagahandumon

Adlawng natawhan karon sa akong suod nga higala
Mga pahiyum ug kidhat ayaw lang kamo katingala
Ang iyang kaanyag nagpabilin lab-as sa mga mata
Uban sa bigot niyang lawas nga kanunayng gidala

Matag Butang Aduna Gayud Kitay Mahinumduman
By Genamos_US of Washington DC, USA

Adunay mga butang sa atong kinabuhi
Nga padayon misubay kanato nga buhi
Mga butang nga maghatag kanato'g kalipay
Sa atong dughan kanunayng makapahupay

Labi nga kadtong mga karaang sugilanon
Sa atong pagkabatan-on nindot pang isipon
Nga nagdala kanato og igong mga kadasig
Mga tuig nga nanglabay kanato moparayig

Mga kasing, dyulen, tabanog ug lastiko
Mga kalipay kaniadto nga dili ikabaylo
Mga kalingawan sa akong pagkabatan-on
Nagpahinondom sa nindot nga sugilanon

Sa pipila ka mga tuig ang milabay
Giduaw ko ang dapit ug ang balay
Eskuwelahan nga nausab ang panagway
Gumikan kay ang mga haligi gipang-anay

Bisan pa sa misugat nga mga kausaban
Lab-as pa kanako ang akong kabataan

Higugmaon Nato Ang Atong Pamilya
By Genamos_US of Washington DC, USA

Dili maihap ang mga gubat nga milabay
Sa kasaysayan sa kalibutan nagkagidlay
Ang gubat sa kahayag batok sa kangitngit
Nagauban sa kinabuhi sa tawo daw mipilit

Kon gusto natong pagatun-an ang Diyos
Magsugod kita sa pamilya ni Kristo Hesus
Gimugna sa Diyos ang tawo sa iyang imahe
Kay ang iyang paghigugma kanato ang yawe

Akong gituhoan ang Diyos usa ka komunidad
May tulo ka mga personas nga kanato gihalad
Ang Amahan, Anak ug ang Espirito Santo
Basihan sa gitudlo sa Simbahan Katoliko

Niining nagkagubot ug sulikwaot nga kalibutan
Ang pamilya maoy usa ka haligi sa simbahan
Nga paga-ampingan ug dili kini pasipad-an
Aron ang tawo mahalikay sa mga kalisdanan

Nahibalo nga kita sa matag sulod sa pamilya