Awhag Ko Kaninyo Da
By Genamos_US  of Washington DC, USA

Dili ko matugkad ang gibati kung kasobo
Ang kapait ug pagsulay kita nahidugmo
Walay luna nahimotangan ning dughan
Ang kasakit nasinati sa atong kaigsoonan

Ang katalagman miduaw sa atong nasod
Ang tanan mahikogang sa kadaut misulod
Labi na didto sa Leyte, Samar ug Sugbo
Apil na ang mga isla sa Palawan ug Iloilo

Daghan ang nakabsan sa ilang  mga kinabuhi
Way gipinig,  madato man o kabus way gipili
May mga nangawala hangtod karon gipangita
Kon buhi pa ba intawon sila nanghinaot makita

Mitulo ang akong mga luha sa kalooy miguwa
Ang kahapdos ning kasingkasing dili mawala
Sa mga bidyo ug piktyur nga akong nakita
Makaloloy silang tanan labi na ang mga bata

Ang kagutom ug kalisod ilang natagamtaman

Using the data of Wolff's 1972 Dictionary of Cebuano Visayan, I've prepared an Android App that can be used to search and present this data (off-line).
I am now looking for a few volunteers, who would like to load this app, and report back on their experiences, before making it available more widely.
Finally, some help will be needed on fine-tuning the stemming algorithm, which currently is still under development.
Jeroen

Mga pinong maglupad-lupad
Magpangalot ka kon sa imo mapadpad
Mopahulay ka man sud sa panimalay
Tu-a usab sila aron ikaw itamay
Salamat sa balay nga daghag bungag
Ang panit mo namistiso sa labhag.
 
Kon gani sa pagpangalot na napul-an
Gustohon mo nga ilang kinabuhi kutlo-an
Dayon sa hangin kalit kang mopakpak
Kon dili sa namistisong panit mohapak
Aron nang pinong naglupad-lupad
Mapisat sa naghigwaos mong mga palad.
 
Nilalang nga samok sa nga tanan
Kon di sa hamisong panit mamahit
Sa dunggan sila gara-ong manitsit
Apan lamok sila gibu-ot sa Kahitas-an
Kinabuhi nila nga mosamok sa uban
Karon, wa ka bay gilamok nga tawo ka man?

Ang Paghandom Sa Mga Mitaliwan
By Genamos_US of Washington DC, USA

Matag Nobyembre 2 atong kining gisaulog
Ang adlaw sa mga kalag kita nagpatighog
Ang paghandom sa mga nangamatay
Ang mga kalag sa dugay nang mipahulay

Bisag wala na sila niining kalibutan
Tipik gihapon sila ning mga dughan
Timaan sa atong paghigugma kanila
Ug paghatag og igong importansya

Ang pagduaw sa ilang mga lubnganan
Ang pagdagkot og kandila sa pagtimaan
Ang paglitok og pipila ka mga pag-ampo
Bisag hamobo apan kinasingkasing dako

Ang pag-andam ug paghalad og mga pagkaon
Labi na kini paborito sa namatay pagaandamon
Pagasawhan kini sa tibook pamilya
Human sa pagpangadye sa nobena

Daw kini usa ka tradisyon sa katolisismo
Gisunod sa mga katoliko sukad pa kaniadto

Ang Litson
By Genamos_US of Washington DC, USA

Nag-ubo ang baboy
Sa guod nagtaroy
Nagsinaw ang simod
Ang lawas gatuy-od

Gilamasan ug giasinan
Aron mahimong lamian
Ang lawas gihaplasan
Sa patis na gamhanan

Daghan ang mag-atang
Ang kahumot makabuang
Sud-an na dili mabalibaran
Kon iandam ug sumsuman

Sa mga piyesta ug kombira
Halinon gayud ni siya
Unang sud-an mahurot
Sa mga gigutom di kalusot

Ang kubal pagkakagumkom
Mga nagkaon nagpahiyom
Gitambalan sa ilang kaibog
Pun-an sa tuba makahubog

Lami isawsaw sa pinakurat
Pus-an ug sili makapugwat
Kalas kaayog puso ug kan-on
Kay lami-an intawon ang litson

Kon man gani dili mahurot
Paksiwon ug pritohon esyot
Apan magbantaybantay kita

 
 
Niadtong niaging semana, nakadungog ko's usa ka fm station bahin ani.
Nakahinuklog kog ahat. Tood, kanindot ra's mga duwa-duwa niadto. Lahi ra kaayo karon. Ang batan-on naa na magyampungad sa Kompyuteran. Sige nalang ug duwa anang Sukong Langgam/Angry Birds ug Nadagmang Kendi/ Candy crush ^_^. Bitaw balik ta aning syatong, nindot sad baya ning duwaa. 
 

 
Niadto lang milabayng bulan. Nahasuroy ko's suba nga mao'y akong gidak-an. Kinse na ka tuig sukad kong nakataak sa maong dapit. Sa samang higayon, awaaw ug mga kasikas lang sa langgam ug ubang ihalas nga mananap ang madungog.
 
Giuban nako akong pag-umangkon, nanguha kog Gurame. Kining gurame, matang kini sa isda sa tab-ang nga gagmitoy kaayo. Ako man gung gisulayan ang tabay-tabay tapad sa akong gipahimong groto kung mabuhi ba. 
 

Daghan na kaayo mga pulong sa Sanskrit nga naa sa Binisaya nga karon dili na kaayo ginagamit ug dili napud ginagamit sa mga bayong-bayong (binatilyo).Ug sa panahon pud sa Kastilla dili pud ginapagamit atong mga ninuno nga mag-gamit ug kining pulong nga Sanskrit kay naa man gud kana kadugtong sa tinuohang Hindu (Hinduwismo) ug Buddha (Budismo) ang tuyo sa mga Kastilla padaghanon ang pulong nga gikan sa Latin o Kastilla aron mapadaghan ang Katolisismo.Sama kining pulong:

naako jud ikaw na akong gipangandoy

mao pud lagi hapit pud ko napurdoy

palit ani, palit kutob sa makit-an

ingnun daun kog "pwede nimo ni bayran?"

wa ko kahibalo kung dapat ko ikalipay

kay dghan ug kwartang na kalas, na dapat ikamahay

ang kwarta na gipang gasto nq sa imha

allowance unta nq na, gkan kang mama

krn dapat ko pa ba ning ipadayon

kining relasyong gasto kau tawn

relasyong murag dili gugma ang tuyo

butang ray gi apas,may pag magpuyo..:-P

Sa una hinay-hinay,
Dili atimanon ang kinahanglan buhaton kay gibati ug kalaay.
Sa kalit! ang mga adlaw paspas na molabay,
magkaduol sa gitagan na petsa, sa karatol dili na kini mahan-ay.
Mga gabii himoong buntag,
mag kuri-kuri para maapas ang nawala na oras.
Sa adlawan magkawat-kawat para ang init na utok
ma hukdong ug makapahulay sa kadiyot.
Nganong dili man gayud makuha
ang gustong ihatag ni Sir na punto?
"Buhata karon ang pwede nimong mahimo.
Hatage imong kaugalingon ug pagsalig,
kinahanglan na!
kung makig batok ka sa kalibutan na
permi lang kang alkanse"
Hahay! kapait!
Mao ni ang kamatuoran na dili nimo mabalibaran.
 
 
 
Tuo man gud natong mga tao na kini atong mga nakita
mao nani ang saktong gihatag sa kahitas-an.
Apan dili, gitakuban niini ang sakto na pagpakabuhi,