So, this may seem strange, but I have no Filipino decent whatsoever. I am an American, but I have visited Mindanao twice in the last two years and made many wonderful friends there. The Philippines is a beautiful country. On my last trip to Mindanao in April, I asked some of my friends there to teach me to say some phrases in Cebuano. I became interested in learning the Cebuano dialect so that when I go back I can understand more of the language :) 

Sa kalisod sa kinabuhi karon, natural ra gayud nga mangita kita og sayidlayin.
Og mao kini ang mga trabaho nga ako rang dawaton:
 
1. Paglabada (Apil na ang paghayhay, pagbulkas, pagpamilo og dugang pamlantsa)
2. Pagluto (Ayaw kalimot sa paghatag sa link sa yochub sa gustong ipalutong putahe)
3. Mu-ayo og tubo (Tubo sa lababo)
4. Mu-ayo og pundir nga suga (Andam mukatkat bisan unsa pay katason sa kisami)
5. Musilhig, mutrapo og muhan-ay sa mga gubot.
6. Mudrayb og trak de karga og pwede sad sugoon og pagdeliber.
7. Despatsadora
8. Ol arawn mutsasa
9. Pagyaya (Mubantay og muatiman siyento pursiyento sa mga bata apil na ang pagpaligo, paghatod-kuha kanila sa eskwelahan, pagpakaon, paghagwa sa hilak kaayo nga bata, og pagpakatulog)
10. Pagpangumpra sa mga pang-adlaw adlaw nga kunsumo.

Ang Panuhot
By Genamos_US of Washington DC, USA

Naglain ang iyang kabuhi
Sa lawas niya gipamati
Ang dagway nag-aslom
Ang sakit iyang giluom

Naglingkod lang sa daplin
Ang haplas iyang gitak-in
Gisakitan sa iyang tiyan
Sa panuhot siya nadak-an

Gipaningot og bugnaw
Nangluspad og gitugnaw
Sa dili masabot na gibati
Pun-an sa otot nagpitipiti

Galuya ang iyang lawas
Ang adlaw niya gidimalas
Gapawpawng ang panan-aw
Mga mata nagsiga nagtuaw

Galaylay ang iyang abaga
Ang kagutom giagwanta
Namognaw ang mga kamot
Apil ang lapa-lapa gipaningot

Dili lalim kining panuhot
Daghan ang naglagot
Napasaran sa gutom o dili
Sa pagkaon kita dili mamili

Ihigop lang sa init na sabaw
Apil ang bugnawng bahaw

Si Toro, Ako Ug Ang Kahaponon
By Genamos_US of Washington DC, USA

Pagkainit gayud ning among dapit
Si haring adlaw kanamo nanghagit
Ang analisngaw sa yuta nagsyagit
Ang among mga singot pagkapilit

Kutas paminawon ang tumang kainit
Kay panahon na gayud sa ting-init
Ang bugnawng tubig lang ang maidalit
Sa lawas makatagbaw na dili mapalit

Mingaw na kaayo ang mga kabukiran
Dili susama na sayo pa ang adlawan
Mabugnaw na huyohoy ang kasagaran
Akong paminaw dili tanto kita kutasan

Ang pughawng langit nindot tan-awon
Mga panganod nahinanok sa katulogon
Panan-aw gianod sa kapunawpunawan
Nagkalandrakas na kolor siya gihabolan

Nindot unta kon ang hangin mabugnawon
Apan lagi dili susama kaniadtong panahon
Gipaabot ko ang paglandong sa kahaponon

Gihubagan
By Genamos_US of Washington DC, USA

Ngano si Dodong nagtakiang?
Kon tan-awon murag napiang
Naglisod siya sa paglihoklihok
Ang nawong murag nahadlok

Giduol ko siya ug gipangutana
Ang kalisod murag giagwanta
May hubag kuno siya sa bugan
Murag sa humigas na pinaakan

Kun imong tanawon siya molakaw
Daw gibunalan sa bugoy na opaw
Motakingking daw murag nagharag
Kay gisakitan diay sa iyang hubag

Nagsugod kuno sa gamayng katol
Inubanan na gamayng kangolngol
Gitambalan sa ambularyo og ityol
Apan sa sakit gihapon siya gihasol

Mga istambay siya gibugalbugalan
Kay mura daw siya og napus-an
Ang sakit na dili daw kabayran
Puno sa kahasol nga hilabihan

Ako siyang gitambagan sa hilom
Basin maimpiksyon siya molagom

Ang Tambag Ni Ingko Eking
By Genamos_US of Washington DC, USA

Ang kinabuhi sa tawo daghan og dagway
Nakigharong sa mga suliran ug pagsulay
Gibuhat ang tanan aron walay magmahay
Gipaningkamotan kab-oton ang  kalipay

Ang kalibutan naputos sa mga lingla
Sa atong mga kahigalaan ug pamilya
Walay gipinig kon asa kita ibanlas
Sa mga kasakit ug kalipay kita itipas

May mga panahon sap-ongan atong mga mata
Apil ang atong kasingkasing na pahilumon kita
Basin tungod sa gugma o kalooy ang hinongdan
Kay ang sayop himoon man og insakto sa uban

Kini ang hagit sa kinabuhi kitang gipuy-an
Nagkalainlain mga solusyon atong sulayan
Mga tambag sa atong pamilya o suod sundon
Kon mahitugma ba kini sa atong sitwasyon

Apan lagi kining tanan anaa ra gayud nato

Sa sulod sa mata'g dughan, may pagbati'ng naghigwaos
Ang uban tungod sa gugma, kadaghanan sa kayugot
Ngano ba'ng naingon niini ang nahitabô sa kalibutan
Nga unta atong nasayran ang kapungot wa'y kapuslanan

Kahibulongan nga gugma, dilî ba gidihog ka
Sa dugô nga balaan ni Jesus Anak sa Diyos
Unsa ba gayo'y hinungdan nga nagpalansang S'ya sa krus
Unsa ba'y Iyang nabatî nga walâ mabatî ko

Kahibulongan nga gugma, hain ang kainit mo
Unsa ba'y gikinahanglan aron ikaw maangkon ko
Kay buot nakong isinggit sa tibuok nga kalibutan
Nga ikaw ang tuboran sa tana'ng kalipay ko

Kahibulongan nga gugma, pun-a na ang dughan ko

Nawad-an na og kisaw ning akong palibot

Dungog lang ang singo sa ilong kong moping-ot

Hilom, ngitngit nagdagitom ang talan-awon

Mingaw, tugnaw padulong na nakong bati-on

Duka na unta pan pamati kalit lang nadaot

Ambot ngano mga balhibo nangimbawot

Kulba, kahibulongang tiyabaw kalit nadungog!

Makakurat kay walay kilat apan nidalugdog

Aw diay, kay nilabay ang walay buot nga panohot

Walay pananghid nga mihapit sa nahinanok kong lobot

Habalo-an pa, Wala untay mohagok nga otot.

Ako Ug Ang Buwan
By Genamos_US of Washington DC, USA

Ang alindong nagkatawa sa langit
Ang kalibutan naputos sa kangitngit
Naghatag og dan-ag sa kagabhion
Ang kahayag niya nga talagsaon

Ang panagway sa mga bata madasigon
Nagtan-aw kaniya uban ang mga bitoon
Ang iyang gilak nagtimaan siya magarbohon
Kay kidhatan sa mga bitoon na mga garaon

Gibalik ko pagtan-aw ang akong kabataan
Magduwaduwa og tubigtubig sa tugkaran
Magtagotago mao sad ang among kalingawan
Kay hayag lagi ang kalibutan gumikan sa buwan

Apan dili tanan ang nalipay kon buwanon
Labi na ang mga mananagat ang pasultion
Mingaw ang lawod sa mga isda na kuhaon
Magsud-an nalang intawon sila og kinason

Kon wa ang buwan ang kalibutan masulob-on
Kay di kita makasinati kon unsa ang kagabhion

Maanindut ang kawanangan kung ikaw sa paglantaw ko ang kauban.

Way bituon makalabaw sa kahayag sa imong kaanyag

daw maglinya ang mga planeta para 'kaw makaplagan.

Dili masabtan ang gibati samtang nagkupot sa imong kamot,

daw ang dughan adlaw sa kainint kini moboto.

Gusto ko ipabuhagay ang gibati ko,

'pan dili mahimo kay ang kalibotan gipugngan ako.

Unsaon ko pagtanyag ang gitago ko?

Kung ang balaod gihikaw ni sa ako.

Kasakit nako ang sakto sa uniberso.

Kitang duha ilalom sa kawanangan

gusto ko ang mga gutlo pugngan sa pagdagan.