Tinahod kong Mr. Litogo ug Mr. Jose,
 
Maayong adlaw kaninyo mga higala!
 
Dako kong garbo nga nahimamat kamo bisan pinaagi lamang niining balayang Binisaya.com. Tinuod nga ubay-ubay na ang akong nakat-onan gikan sa inyong makinaadmanong pagbinayloay og mga kaalam ug panghunahuna mahitungod sa pinulongang Binisaya. Tungod niini, mas ilabihan akong nadasig ug naikag nga tun-an ug palamboon ang akong kaalam niining atong lumad nga pinulongan.
 
Dili nato ikalimod nga daghan sa atong mga kaigsoonang Bisaya ang walay igong katakos kun kahigayonan nga duawon kining atong balayan hilabi na sa mga lagyong dapit nga wala nauso ang gitawag ug internet. Sayod ko nga nagkahiusa kita sa pagtoo nga kining kaalam nga atong gisaw-an niining higayona angayan lamang nga atong ipaambit ngadto sa atong mga kaigsoonan bisan diin man niining kalibotana hilabi na sa mga kabatan-onan sa Kabisay-an ug sa Mindanao.

Pagbuot Sa Kapalaran Siya Mapildi
By Genamos_US of Washington DC, USA

Walay nagdahom sa nahitabo sa niaging adlaw
Ang duwa sa boksing daghan gayud ang napalaw
Duha ka mga maayong boksidor nagduwa
Ang arena napuno sa mga hugyaw ug hudyaka
 
Usa ka bantogan nga Pilipino batok sa Meksikano
Duha ka mga bagani walay kahadlok maintimano
Kung kinsa kanila ang masipyat sa ilang lihok
Makapanakla ang pangag ug dili makapamilok

Dili kini ang una nilang panagtagbo sa ring
Kon dili sa ika upat na kahigayon nakaboksing
Daghan naghinamhinam sa ilang sinumbagay
Mga bino ang gitagay pun-an pa sa pinustaay

Maayo ang sinukliay sa mga kinablit nilang kumo
Kay mao man kini ang misyon sa boskidor gisugo
Ang matag palibot napuno sa mga singgit ug tingog
Matag dumadapig nadasig sa kumo na makabungog

Ang Talagsaon Nga Pasko
By Genamos_US of Washington DC, USA

Mitulo ang akong mga luha
Sa internet bidyo kung nakita
Kaliwasan sa bagyong Pablo
Ang kadaut walay ikabaylo

Daghan ang mga nabiktima
Nangaangol  o namatay sila
Baha, lanslayd ug uban pa
Sama sa lugar sa compostela

Mga kabukiran nga nangaopaw
Mga Kahoy gipamotol gisurambaw
Resulta nga nagdala og signos
Sama sa kandila nangaopos

Nihit ang mga tubig na mainum
Poste natumba way nagdahum
Mga kabalayan daw giyatakan
Lumolupyo walay kadaganan

Mga damgo nga nangapukan
Mga dangoyngoy nadunggan
Mga hilak, pagmahay ug pagbasol
Sa mga nabiktima kini naghasol

Lugar nga nindot  pa kaniadto
Karon sama sa bulkan mibuto
Nangapayhag nga kapatagan

What does "ano yan bahagol?"mean please. 
Is it supposed to be something sweet to say to someone?
What is the literal translation and what is the hidden meaning behind it. 
Thanks much very much for your kind consideration to help me with this puzzle in my mind.
Have a good day my friend.
Bla bla bla bla bla bla 
 

Pangilad Pinansyal (Financial Scam)
By Genamos_US of Washington DC, USA

Perting pagkalanoga nga milugapak
Sipa pa sa dinamita ang mihapak
Sa atong nasod na dili palang dugay
Ang nahitabong pagpangilad misuway

Gipang-ilad sa ilang mga namuhunan
Sa dakong interes kuno sila gipasaligan
Ang kuwarta na ilang gibubo matilawan
Naengganyo sa dakong pasalig maadunahan

Dili lang kay milyones ang mga natahan
Kon dili bilyones ang dakong gihisgutan
Nangiyawat sa dakong tubo sa ilang kuwarta
Masdako pa sa interes sa bangko mga higala

Linibong mga katawhan ang nabiktima
Sa usa ka Malaysian ang nagpasiugda
Mao kini ang pinakadakong pagpangilad
Sa kasaysayan sa atong nasod napadpad

Mga yanong katawhan ang mga nabiktima
Aduna poy mga propesyonal nadisgrasya

Ang Paskohanong Bagyo
By Genamos_US of Washington DC, USA

May talagsaon nga bagyong miabot
Ang mitugpa sa Mindanao gisapot
Mga lugar maagian sa dakong  kadaot
Daghang kinabuhi ug propredad nalaot

Gihasi ang mga katawhan sa kalisdanan
Ning pasko nagdugang lang sa mga suliran
Dakong epekto sa atong nagluyang nasod
Labi na sa nasudnong ekonomiya kita napaod

Ang kinaiyahan karon dili na gayud masabot
Si Sendong kaniadto ug karon si Pablo milusot
Mga bagyo kung masoko sila manghagis
Mga kinabuhi ginanghulga sa walay lalis

Asa man kita mopaingon ning atong kinabuhi?
Nga napuno sa mga kakuyaw ug kita nagkapuliki
Matag sook ning kalibutan mga kadaot  nakit-an
Dili nato masabtan ang kapalaran nga gibaharan

Mga pag-ampo  nga maoy atong bugtong hinagiban

hi who can help me understand the following sentence please
nahigugma pod ko kanimo....palihug imo kung ampingan ug mahalon... ?????
daniel

Ang Archdiocesan Shrine of San Roque sa Mambaling, Cebu City adunay newsletter nga gipublish almost every month. Almost lang kay mag-agad man ang staff sa sponsorship sa mga parokyano alang sa publication expenses. 

Ang editorial staff naningkamot gyud nga makapublish og interesting nga mga articles—dili lang religious, but at the same time, makarelate ang mga mobasa niini. Sa among pagpangita og source for grammar and spelling sa Binisaya, we finally found Binisaya.com! Nalipay kaayo mi nga naa diay website alang sa among gikinahanglan kaayong guide sa saktong spelling sa mga pulong nga Binisaya. 
 
We hope to learn more from here just like we do now. It's ironic nga mas naa kitay kaalam sa English nga spelling kay sa common words nga Binisaya. Maglibog pa gani kanus-a mogamit sa u ug o sa mga derivations. 
 

Salamat Inday Miguel
By Genamos_US of Washington DC, USA

Walay pulong mahisulat sa akong gibati
Kahaw-ang ug kasubo ang adlaw kung bati
Ang imong pagpanaw nga kanamo sa kalit
Kay gisugat na ikaw sa mga anghel sa langit

Ang kaisog ug kapait sa kasub-anan miabot
Among sulayan ning dughan ang pagsabot
Higala, nganong ikaw sa sayo milakaw?
Kung ngano ang kamatayon ikaw giduaw

Gibuhian nga ikaw sa mga kasakit ug pag-antos
Kining among dughan nagbangotan sa kahapdos
Kun hain man ikaw karon gibutang sa langit
Nanghinaot kami na ikaw sa kalipay gidalit

Sa among kasingkasing higalang Marlon
Ikaw magpabilin buhi sa kanunay Agalon
Mga pasiaw ug ang imong tingog makalingaw
Matag programa nimo sa radyo kami nagatukaw

Angay gayud ning hinumduman natong tanan