M Uban ko igna c boss...rich gyud oi....lucky kaayo makauban ni boss
 
L hahahaha kaayo diha gyd dli na imprtante ang dagway ang pitaka gyd lol hehhhe
 
J hahaha lucky me? ahh kaloud rafud xa ang lucky woi hahahahahaha mauman pitaka jud dapat ang guapo hehe
M Luod gyud...ay pikata man.ang guapo oi..unsaon.nawong alay datung..ngeaw...lipay gyud ni c boss..
 
L hehheheh gitika lang gud para witik dayon hahhaha

Magmatinud-anon
By Genamos_US of Washington DC, USA

Pagkaanindot tagamtamon ang kinabuhi
Kon ang katam-is sa gugma ang naghari
Ang matag momento nahitabo  may balor
Kay ang kalibutan naputos sa mga kolor

Bisan usahay ang kinabuhi ta maang-ang
Sa mga pagsulay ug kalisdanan makimpang
Ikaw sa kanunay kanako nagpabilin lig-on
Kay ang imong gugma ug pagsalig bililhon

Usahay may panahon ikaw mangluod kanako
Sa gagmayng butang masaypan hinoong dako
Nasabtan ko ikaw ug ikaw akong gipasabot
Kay usahay ang garbo matandog molugnot

Dali ko ikaw gitapin-an sa akong mga gakos
Aron ang imong sapot mawala ug molahos
Kay sa dayon ang halok mo ang imong ibalos
Ang kasingkasing ko murag gayud malumos

Lami gayud kung may nagpangga kanato
Kay ang kinabuhi napuno sa kalipayng dako

Ang gugma sa Ginoo libre ug walay bayad
Sama sa bulawan nga mahal ug kantidad
Kon si Jesus imong dawaton
diha sa kasingkasing siya pasudlon
dili ka gayud magmahay
kay imong kinabuhi himoon niyang haruhay
 
ayaw kabalaka sa imong problema
kay dili na makadugang sa imong kagwapo o kagwapa
maayo pa nga ikaw mag-ampo
aron inigkabuntag ang kalinaw imong mapupo.
sa imong kinabuhi ikaw nag-antus
kana tungod kay gisalikway mo ang gugma nga tim-os
baliki ug tan-aw ang imong kagahapon
tingali may sayop ka nga pwede pang insaktohon
ayaw pagmakuli sa pagbuhat sa matarong
kay diha niana may maayo kang kaugmaon
 
higala ako ug ikaw pareho may gisagubang
buntag udto hapon ug sa adlaw nga tanan
apan niining tanan dili nato malalis
nga ang Dios makasapwang kanato sa mga bukton niyang mahamis
 

Bag-ohay lang ko nagtaod og spambot diri aron paglikay sa mga samokang spammer.  
Mikabat ngadto sa usa ka libo nga account ang nakit-an nga iya sa mga spammer. 
Akong gipapas ang mga account nga natala nga spammer didto sa stopforumspam.org.
Kun ang inyong account naapil sa maong listahan pasensiya na lang mo. Didto mo pagreklamo.
Basin pod tinuod nga spammer mo sa laing mga porum.

Ilegal Na Pagpanagat
By Genamos_US of Washington DC, USA

Nahinulong ako nagtan-aw sa isla
Sa kaanindot misiga akong mga mata
Ang dakong wanang sa dagat  pagkalinawa
Kay murag ang mga isda pagkaabunansiya

Mga bata nangaligo  sa daplin baybayon
Nagdakupdakop sila ug sa kalipay naulipon
Ang mga siaw na balud nakighagwa
Sa kusog sa hangin mga balud nabugha

Simple ra gayud ang kinabuhi sa maong isla
Ang pagpanagat maoy panginabuhian nila
Kay udto man lagi kadto ug ang uban namahulay
Ilawom sa punoan sa talisay naniudtog buskay

Apan akong nabantayan ang ilang mga sakayan
Walay bisag usa nga pukot ang akong nakit-an
Mga bakanteng planggana, taro ug sudlanan
Apil na ang lamparilya na gamiton pangsug-an

May usa ang misinyas na bitbiton ang kahon

Magpabilin Kanimo Da
By Genamos_US of Washington DC, USA

Imo akong gipanalipdan sa kadaut
Sa kanhianyng gugmang nalaut
Gihangop sa danggas mong gakos
Gibati ko ang kainit sa langit milahos

Imong gipaambit ang kinabuhing lami
Gidawat ko bukas ug ikaw sa uban lahi
Mga tuig ang milabay na puno sa kalipay
Niabot ikaw kanako na wala ako nagmahay

Akong paningkamotan maihatag ko ang tanan
Ang akong kinabuhi ug ang tibook kung dughan
Dili man ako abunda sa bahandi ning kalibutan
Apan ipasalig ko kanimo na ikaw dili magutman
 
Gitudloan mo ako sa tinood na lami sa gugma
Ang katam-is nini ug tiunay imo akong gipamata
Gisugilon mo nga ang gugma walay utlanan
Bisag ang kamatayon dili kini mapugngan

Gilantaw ko ang adlaw na sumasalop nagpaingon

KAHIDLAW

Sa imong katigulangon, ako magul-anon

Ang imong kasingkasing - huyang...imong kinabuhi – kitid

Tungod sa ka daghang tuig nga nangagi,

Sa akong kinabuhi nga imong gi-ako

Ikaw ang gahatag kanako ug kinabuhi

Ikaw ang akong umoy, ikaw ang akong kagul-anan

Unsa kaha ang kinabuhi kung ikaw wala na?

Unsa na lang ako kung ikaw wala na ?

Akong kahidlaw alang kanimo dili mausab

Hagki ang akong nawong, dad-a ang akong mga pag-ampo ug luha

Tupari ang akong gugma

Ayaw ko ug hikalimti

Dad-a ko sa kahangturan

Ayaw ko ug kalimti
 

Naglingkod atubangan kanimo,
Apan wala mo makita ultimo akong anino,
Gahulat nga unta ako imong sampiton,
Bisan lang unta og kumustahon.
 
Unsa ma'y nahitabo sa atong panaghigalaay,
Nga mas gipili mo man akong isalikway?
Nagtuo ko nga kanunay magkauban kita,
Hangtod atong mga buhok ubanon na!
 
Kanunay'ng nagpabilin sa akong alimpatakan,
Atong mga kagahapon nga pugos mong gikalimtan,
Mga saad nato hangtod karon akong gipanghikuptan,
Diri sa kasing-kasing ko nga nagsilbing kaban.
 
"Sa akong paglakat hinaot imong mapalgan,
Ang silya nga kanunay kong gilingkuran."

Hangtud Karon
By Genamos_US of Washington DC, USA

Pagkalaay ning matag kabuntagon
Nag-inusara ang adlaw masulob-on
Inig mata wala’y mopokaw kanato
Nga makahatag kinabuhing dako

Susama gayud nga walay nag-atiman
Ang kinabuhi mura nalang gipasagdan
Hangtud karon ginahandom ko ikaw
Gipangandoy ko ang imong pagduaw

Gipaabot ko ikaw matag adlaw nga tanan
Ang imong pagbalik ikalipay ko na bulahan
Daw mihunong ang kinabuhi sa pagtuyok
Sa imong paglakaw ang kinabuhi mihagok

Haw-ang ang kinabuhi kung natilawan
Matag lingi ko aduna’y mahinumduman
Ang pagbati ko kanimo nga adunahan
Nga puno sa paghigugma ug pag-atiman

Dili ko ikalimod nga aduna pay nahabilin
Ang kahapdos sa dughan nga nagpabilin
Apan bisan pa niini ikaw kanako nahilayo