Dako akong kamingaw sa malagkit na humay na ginaluto sa akong nanay
Sa matag byernes santo na paresan dayon ug kalamay
Naa pa'y kapeng init ug ang nagpilit pilit na binignit
Mao ni sila akong nahinomduman karon lang kahaponon
Kay mao man jud ni akong gidak-an sa Lupon
 
Ang byernes santo diria dako gyud ug deperensya
Ang mga tao modayo bisan asa para sa nagkadaiyang kumbira
Lakwatsa diri lakwatsa didto murag wala kaila sa ginoo
basin pod hinoon mao gyud ni ila istelo ug didikasyon
So, atoa na lang silang sabton
 
~smartrey~
 
 
 

Mga Anak Sa Kalye
By Genamos_US of Washington DC, USA

Mga estambay nga mga kabataan
Libot suroy walay igong padulngan
Nakat-on sa mga bisyo ug kabuang
Misiaw sa katilingban ug way undang

Nahungog sa mga ginadili nga drugas
Kay gitudloan man sa mga dagkong hudas
Mga inosente ang ilang mga panagway
Sa mga pagka-on kanunayng naglaway

Ang uban kanila nagpakilimos sa kadalanan
Gigamit sa mga sindikato nga mga pak-an
Gipanghukasan sa ilang kaboot ug pagkabata
Sa ilang mga edad nga unta magduwaduwa

Apan lagi managlahi naman ang panahon
Midaghan ang kabus nga mga batan-on
Ang ilang pamilya daw walay pagpakabana
Kun naunsa ang ilang mga anak nahidagma

Responsabli man unta kini sa ginikanan
Nga buhion ang mga bata sa kalibutan
Hatagan ug igong edukasyon ug giya

Gibati ko ang tumang kahiubos sa wala mo pagsabot kanako
Gisakit ko ang matag adlaw nga ikaw walay gihunahuna kung dili ang laing taw
Nagpabilin ko diha kanimo kay tungod nakita ko malipayon ka
Pero nasayop ko kay sa matag karon ug unya sama ra ko sa hangin nga molapos diha diha
Gi agwanta nako ang tanan sakit ug hapdos sa akong dughan para lang ma ok ang tanan
Galibug ko kung biyaan ka o dili kay dili ko gusto mahulog ka sa wala
Gihigugma tika labaw pa sa akong kaugalingon
Gihimo tika nga sama sa akong kapikas 
Unya karon, ako gikapoy na ug ikaw pud
Wala nako mahibaw kung asa pang dalan kita mopaingon
Hinaut nga sa madugay makit an nato ang kahayag ug katin awan sa atong suliran
 

By: Maanyag
Taipei City, Taiwan
 
Tinuod, sakit man sa atong dughan,
Ang madungog ang paet nga kamatuoran,
Kamatuorang hagbay ra natong nasayran,
Apan unsa ba, mura raman og gipiyongan?
 
Tungod kay laing tawo man ang misulti,
Mura ba'g nasagpaan og bali-bali,
Apan kanus-a man ta magpabuta-buta?
O iluom sa tago ang tinuod nga nakita?
 
Mas gustohon ba ninyong madungog ang bakak nga
Hilabihang tam-isa?
O ang paet apan matuod nga estorya?
Kay ang panlantaw nato dili man magpareha,
Tingale'g para kanako patsada,
Apan para kanimo, sarang gayona. Di ba?
 
Mga pagsaway sa uban diri kanato,
Dili nato angayang ikasubo og ikasuko,
Susihon nato, tingale'g may punto sila,
Kun tinuod man kini, aw dawaton ta!
 
Bukahon nato ang atong mga mata,

By: Maanyag
Taipei City, Taiwan
 
Pebrero sayis, pasado alas onse sa udto,
Kusog nga linog ang mitay-og sa Negros og Sugbo,
Samtang ako dinhi nga layo sa akong pinalanggang pamilya,
Wala mapugngi ang maguol og ang mabalaka.
 
Naundang ang klase sa mga tunghaan,
Mga trabahante gipagawas sa mga buhatan,
Daghang mihilak, daghang nataranta,
Tungod sa hungihong nga ang tsunami nagpadulong na.
 
Ang dagan sa trapiko dili maporma,
Ang mga dunay sakyanan nag-unhanay na,
Sa bukid, didto kuno sila padulong,
Naputos sa karatol tungod sa maong hungihong.
 
Mga katawhan didto sa dakong dalan midagan,
Daw namura og katapusan na sa kalibutan,
Paghubas og pagtaob sa mga kadagatan gipangbantayan,
Sa ubang mga tawo sa atong dakbayan.
 
Daghang mga tawo ang nanagan nga nagtiniil,

Sa pagdagayday sa matag lugas sa ulan
Diha sa lawag sa kayutaan
Susama kini sa padausdus sa mga luha
sa usa ka binuhat nga walay laing gipangandoy
mao ang mahigugma ug higugmaon.
 
Apan sama sa paglandong sa kalangitan
Mao usab ang pagngingit sa kapalaran
Dili na maibalik ang tanan
ug dili na kini maulian
mamahimo na kining latak sa kagahapon
nga hangtod karun
makalilibog kun kini pagadumdumon o kun 
kini pagalimtan sa dayon

Mga Pagsulay, Pag-ampo Ug Grasyang Nadawat
By Genamos_US of Washington DC, USA

Naga-ampo kami sa Dios nga panalanginan
Nga unta ang kalinaw sa kinabuhi matilawan
Alang sa among mga pamilya ug sa tanan
Nga panalipdan kami sa mga kalisdanan

Naga-ampo kami sa Dios sa mga pabulong
Sa katunhayan sa matag kinabuhi nagpadulong
Among giampo sa Imong mga kamot ang tanan
Nga wagtangon Mo ang mga pag-atos naagian

Samtang Imong nadungog ang mga yangongo
Gihatag Mo kanamo ang gugma nga way gitago
Bisag pa sa among kahuyang na kami nabilanggo
Nadawat gihapon namo ang grasya, gamay o dako

Giisip Mo kaming mga anak ug gipasaylo sa nabuhat
Ug sa mga kabulahanan nadawat kami nagpasalamat
Hani kon ang grasyang naangkon sama sa mga taligsik
Mahinay ug nagpat-ak pat-ak sa gihapon nalipay mipisik

Ang Merkules Sa Pagpabadlis Og Abo
By Genamos_US of Washington DC, USA

Karon ang unang adlaw sa pagtimaan sa Semana Santa
Kita gipahinumduman sa Iglesia Katolika ang pagsimba
Balaan adlaw karon nga gitugon sa simbahan pagbisita
Aron sa paghatag timaan na tinood nga kristiyano kita

Usa kini ka karaang ritwal matag tuig nga atong gisunod
May nagkalainlain panahom kon ngano kita magtamod
Kabahin sa relihosong aspeto kini gisunod pa kaniadto
Gisugilon sa karaang tugon ni Jeremiah 6:26 ang pagtuo

Gihaw-ag kita sa Dios sa pagpinitensiya sa atong mga sala
Ang paghinulsol sa atong mga kasaypanan ug dili ibaliwala
Kay kini ang gisaad ni Kristo sa kalibutan ang kaluwasan
Sa atong mga sala si Hesus namatay sa pagtubos sa tanan

Mao kini ang adlaw nga kita gipahinumduman sa simbahan

Si San Pedro Calungsod Sa Sugbu
By Genamos_US of Washington DC, USA

Ika doce ka tuig nga ang milabay
Mga sugbuanon ug nasod naglipay
Nahimong biyato sa Iglesiya Romano
Ang bata nahimong hingpit nga Santo

Gisubay ang iyang kinabuhi kaniadto
Sulondon sa Dios ug usa ka sirbando
Usa siya ka garbo ug nag-alagad sa Dios
Ang iyang gugma nga walay pagkahiyos

Gipadala siya sa nasod sa Guam
Aron ang kristiyanismo ipahulam
Nahimong usa ka katekista ug sakristan
Misyonaryo ug usa ka batang buotan

Gisubay kun taga asa ang iyang kagikan
May upat ka dapit ang niangkon gigikanan
Ang lugar sa Ginatilan ug Tuburan sa Sugbu
May Loboc sa Bohol ug taga Leon sa Iloilo

Sa iyang pagkakatorse anyos nga katekista
Siya gipaedukar sa mga pari sa Hiswesta

Ang Mga Luha Sa Kadlawon
By Genamos_US of Washington DC, USA

Gipukaw ako sa akong pagkatulog
Nakamata ako daw adunay nahulog
Alas kuwatro nga kadto sa kadlawon
Nag-inusara ug ang palibot malinawon

Gibasa ko pagbalik ang kanhing sulat
Gikan sa akong asawa ug akong gibuklat
Ang matag pulong gisulat maundanon
Pagmahay ug kamingaw ang sugilanon

Gihunahuna ko sila ang akong pamilya
Nga wala ko makauban karong panahona
Nag-aginod ang mga adlaw nga naglakaw
Nagpaabot kanus-a ang adlaw mahilaw

Ang gugma ug kahinam ang gibati ko
Sa akong pamilya daw dili kini kompleto
Gilantaw ko sa langit ang mga bitoon
Kon ila ba kining nakita akong pagaisipon

Kay didto akong isulat ang gugma ko kanila
Sa panagway sa langit kini ilang mabasa
Malipayon akong naghunahuna sa kanhi