Sa kalisod sa kinabuhi karon, natural ra gayud nga mangita kita og sayidlayin.
Og mao kini ang mga trabaho nga ako rang dawaton:
 
1. Paglabada (Apil na ang paghayhay, pagbulkas, pagpamilo og dugang pamlantsa)
2. Pagluto (Ayaw kalimot sa paghatag sa link sa yochub sa gustong ipalutong putahe)
3. Mu-ayo og tubo (Tubo sa lababo)
4. Mu-ayo og pundir nga suga (Andam mukatkat bisan unsa pay katason sa kisami)
5. Musilhig, mutrapo og muhan-ay sa mga gubot.
6. Mudrayb og trak de karga og pwede sad sugoon og pagdeliber.
7. Despatsadora
8. Ol arawn mutsasa
9. Pagyaya (Mubantay og muatiman siyento pursiyento sa mga bata apil na ang pagpaligo, paghatod-kuha kanila sa eskwelahan, pagpakaon, paghagwa sa hilak kaayo nga bata, og pagpakatulog)
10. Pagpangumpra sa mga pang-adlaw adlaw nga kunsumo.

by Maanyag
Taipei City, Taiwan
 
Sa paghupas sa kanta nga Gangnam,
Aduna nasa'y bagong gikabuangan,
Ang nisikat nga kantang GWIYOMI,
Mao nasab ang unod sa tsismis ngadto og diri.
 
Koryano gyapon ang maong kanta,
Ang mga lihok pwerte rang sayona,
Pakyutkyut lang ang agi sa mga mata,
Ang paglihok sa kamot dali rang mamemorya.
 
Kinsa may dili malingaw magtan-aw,
Sa mga bidyo nga gipaambit sa mga taw?
Nga magpakyutkyut atubangan sa kamera,
Hilabina tong mga gwapo og gwapa?
 
Daghan kaayo ang misuwayng nisunod,

By Maanyag of Taipei City, Taiwan
 
Dili gayud nato matupngan,
Ang kalipay sa usa ka inahan,
Sa dihang iyang masayran,
May gatubo sulod sa iyahang tiyan.
 
Ang kalipay walay susama,
Dili ikabaylo bisan pa og kuwarta,
Kay ang pagbaton og anak,
Pinakadakong regalong madawat,
 
Matag kisikisi sa gamayng anghel,
Mga sikad sa gagmay niyang mga tiil,
Mga kuhit sa pikdot niyang mga kamot,
Kalipay sa inahan ang iyang matag lihok.
 
Daw magtighagwa ang bata sa sulod,
Sa gasabak kaniya gustong magtigunot-unot,
Tumang kasadya og kahinam ang mabati,

By Maanyag Taipei City, Taiwan
 
"Molabay man ang pipila ka mga tuig,
Apan dili ko gayod makalimtan
Ang mga kalingawan sa akong pagkabata..."
 
Samtang ako galantaw sa mga kabataan karon,
Dili ko gayod mapugngan ang mahinumdom,
Sa mga panahon sa akong kabatan-onan,
Lahi ra sa ilang mga nasinati og namat-an.
 
Mga gagmayng butang kaniadto,
Makapalipay na kaayo kanamo,
Susama lamang sa sikat nga dulseng Bobot,
Sa pakapin nga singsing ikaw mahimuot.
 
Kinsa may dili malingaw og kinolekta,
Sa mga komiks ni Joe sa Bazooka?
Plastik balon maoy paboritong paburoton,

By: Maanyag of Taipei City, Taiwan
 
Nakapanglingo-lingo ako nga gtanaw,
Sa balita niadtong miaging adlaw,
Kabahin sa manag-igsuong nabanggaan,
Gidaro sa dyip samtang sila milabang sa dalan.
 
Gikan sila magkuha og benepisyo,
Sa osa ka opisina sa atong gobyerno,
Sa pagkamatay sa ilang padre de pamilya,
Nga gi-atake didto sa Saudi Arabia.
 
Ang nakapaet pa sa nahitabo,
Kay nagpakalooy diay ang igsoon og hinangyo,
Ngadto sa nagmaneho nga nakabangga,
Aron ang igsoon matabangan pa unta.
 
Apan wala kini tabangi sa nakabangga,
Kay kuno iyang igsoon kamatyunon na,
Nadismaya ako nga nahibalo,
Nga may ingon ani diay'ng mga tawo.
 
Og sa dihang sila nakahay-ad lamang sa dalan,
Gitiwasan pa sa walay kasingkasing nga kawatan,
Daling mipunit sa bag dayong dagan palayo,

By: Maanyag of Taipei City, Taiwan
 
Dili lalim ang bayi kon magmabdos,
Siyam ka bulan intawn kining magaantos,
Maglipong-lipong, magsuka-suka,
Init ang ulo, ang lawas magluya.
 
Ang mga gipamati dili masabtan,
Gawas kon ikaw niagi na pagkainahan,
Sa mga daga pa og sa tanang mga laki,
Mga gipamati sa mabdos dili gayod masinati.
 
Usahay lisod pang sabton sa ilang bana,
Sa mga panahong kini magpangala na,
Bisan unsa ra ang gustong kaunon,
Kapuliki si dodong kung asa pangitaon.
 
Manggang hilaw maoy kasagarang pangayuon,
Ambot kung ngano mangita ang mabdos og aslom,
Lahi raba ang bation kon dili kini mahatagan,
Maguol og taman, magsakit ang dughan!
 
Ang hangyo sa mabdos ayaw ibaliwala,
Kay lisod na simbako makuhaan unya,
Dili mahimutang, dili malipay,

By: Maanyag of Taipei City, Taiwan
 
Mag-istorya kita'g kabahin sa gugma,
Mga nagkalain-laing bansilag, hisgutan ta,
Iapil sad nato ang mga makalingaw nga kaagi,
Hinaot ang akong balak makapahiyom kaninyo og makapangisi.
 
Ang gugma osa kini ka pagbati,
Nga bisan si kinsa man makasinati,
Sa kinailawman kini sa kasingkasing muturok,
Nga hubaron sad dayon sa maalam nga utok.
 
Ang mahigugma, dili ta gyud kapugngan,
Lisod kaayo magtigkombate sa dughan,
Kun ang kasingkasing na gani ang mupitik,
Lupig pa'y lastiko kun mulabtik!
 
May mga tawo nga miingon,
Nga ang gugma dili angayang palabyon,
Bisan pa man og nabati kini sa una lang nga panagkita,
Dili kini nagpasabot nga ang gibati tiawtiaw na.
 
Kasagaran sa mga tawo mutuo,
Nga ang gugma buta lage kuno,

By:  Maanyag of Taipei City, Taiwan
 
Ulan, ulan, mitagak na usab ikaw,
Sayo sa kabuntagon ako imong gipukaw,
 
Mga tiil nako nga pugos mitakoko,
Sulod sa mangitngit nga habol mitago.
 
Pilik palak, pilk palak,
Nagpadayon ang imong pagtagak,
 
Daw mga iring og iro nga nagbugno,
Kisami nako namura na'g mahugno.
 
Ubanan pa sa kusog nga mabugnawng hangin,
Nga pugos mihalok ning akong mga aping,
 
Hahay! Pagkatugnaw naman lang sa panahon,
Lami gayud kaayong dili ibangon!

By: Maanyag
Taipei City, Taiwan
 
Sa matag mumho nga mitagak sa imong lamesa,
Nakahunahuna ka ba,
Sa milyon milyon nga mga baba,
Nga wala makatilaw niana?
 
Kay aala mo tingale masinati,
Ang kahapdos sa tiyan nga ilang gibati,
Nga pugos na lamang gitikuko ang kagutom,
Nag-antos sa tumang kapaet nga nahiagom.
 
Mga sulaan nga yano mo lang gilabay,
Bisan igo rang nakusian og gamay,
Wala ra ka magmahay,
Samtang ang uban gasuwa ra intawon og asin og kamay.
 
Kay wala nimo masulayi,
Kun unsa ang tumang kapobre,
Dili nimo masabtan,
Ang magdul-ay sa mga pagkaon nga lamian.
 
Sa matag balde sa tubig nga imong gi-usikan,
Wala ba nimo mahibal-an?
Nga daghan timawa sa tibuok kalibutan,
Nga gahulat lang sa pagbundak sa ulan?
 

By: Maanyag
Taipei City, Taiwan
 
Tinuod, sakit man sa atong dughan,
Ang madungog ang paet nga kamatuoran,
Kamatuorang hagbay ra natong nasayran,
Apan unsa ba, mura raman og gipiyongan?
 
Tungod kay laing tawo man ang misulti,
Mura ba'g nasagpaan og bali-bali,
Apan kanus-a man ta magpabuta-buta?
O iluom sa tago ang tinuod nga nakita?
 
Mas gustohon ba ninyong madungog ang bakak nga
Hilabihang tam-isa?
O ang paet apan matuod nga estorya?
Kay ang panlantaw nato dili man magpareha,
Tingale'g para kanako patsada,
Apan para kanimo, sarang gayona. Di ba?
 
Mga pagsaway sa uban diri kanato,
Dili nato angayang ikasubo og ikasuko,
Susihon nato, tingale'g may punto sila,
Kun tinuod man kini, aw dawaton ta!
 
Bukahon nato ang atong mga mata,